ଶ୍ରୀମଦ ଭଗୱଦ ଗୀତ ଷୋଡଶୋஉଧ୍ୟାୟଃ
ଅଥ ଷୋଡଶୋஉଧ୍ୟାୟଃ |
ଶ୍ରୀଭଗଵାନୁଵାଚ |
ଅଭୟଂ ସତ୍ତ୍ଵସଂଶୁଦ୍ଧିର୍ଜ୍ଞାନୟୋଗଵ୍ୟଵସ୍ଥିତିଃ |
ଦାନଂ ଦମଶ୍ଚ ୟଜ୍ଞଶ୍ଚ ସ୍ଵାଧ୍ୟାୟସ୍ତପ ଆର୍ଜଵମ || 1 ||
ଅହିଂସା ସତ୍ୟମକ୍ରୋଧସ୍ତ୍ୟାଗଃ ଶାନ୍ତିରପୈଶୁନମ |
ଦୟା ଭୂତେଷ୍ଵଲୋଲୁପ୍ତ୍ଵଂ ମାର୍ଦଵଂ ହ୍ରୀରଚାପଲମ || 2 ||
ତେଜଃ କ୍ଷମା ଧୃତିଃ ଶୌଚମଦ୍ରୋହୋ ନାତିମାନିତା |
ଭଵନ୍ତି ସଂପଦଂ ଦୈଵୀମଭିଜାତସ୍ୟ ଭାରତ || 3 ||
ଦମ୍ଭୋ ଦର୍ପୋஉଭିମାନଶ୍ଚ କ୍ରୋଧଃ ପାରୁଷ୍ୟମେଵ ଚ |
ଅଜ୍ଞାନଂ ଚାଭିଜାତସ୍ୟ ପାର୍ଥ ସଂପଦମାସୁରୀମ || 4 ||
ଦୈଵୀ ସଂପଦ୍ଵିମୋକ୍ଷାୟ ନିବନ୍ଧାୟାସୁରୀ ମତା |
ମା ଶୁଚଃ ସଂପଦଂ ଦୈଵୀମଭିଜାତୋஉସି ପାଂଡଵ || 5 ||
ଦ୍ଵୌ ଭୂତସର୍ଗୌ ଲୋକେஉସ୍ମିନ୍ଦୈଵ ଆସୁର ଏଵ ଚ |
ଦୈଵୋ ଵିସ୍ତରଶଃ ପ୍ରୋକ୍ତ ଆସୁରଂ ପାର୍ଥ ମେ ଶୃଣୁ || 6 ||
ପ୍ରଵୃତ୍ତିଂ ଚ ନିଵୃତ୍ତିଂ ଚ ଜନା ନ ଵିଦୁରାସୁରାଃ |
ନ ଶୌଚଂ ନାପି ଚାଚାରୋ ନ ସତ୍ୟଂ ତେଷୁ ଵିଦ୍ୟତେ || 7 ||
ଅସତ୍ୟମପ୍ରତିଷ୍ଠଂ ତେ ଜଗଦାହୁରନୀଶ୍ଵରମ |
ଅପରସ୍ପରସଂଭୂତଂ କିମନ୍ୟତ୍କାମହୈତୁକମ || 8 ||
ଏତାଂ ଦୃଷ୍ଟିମଵଷ୍ଟଭ୍ୟ ନଷ୍ଟାତ୍ମାନୋஉଲ୍ପବୁଦ୍ଧୟଃ |
ପ୍ରଭଵନ୍ତ୍ୟୁଗ୍ରକର୍ମାଣଃ କ୍ଷୟାୟ ଜଗତୋஉହିତାଃ || 9 ||
କାମମାଶ୍ରିତ୍ୟ ଦୁଷ୍ପୂରଂ ଦମ୍ଭମାନମଦାନ୍ଵିତାଃ |
ମୋହାଦ୍ଗୃହୀତ୍ଵାସଦ୍ଗ୍ରାହାନ୍ପ୍ରଵର୍ତନ୍ତେஉଶୁଚିଵ୍ରତାଃ || 10 ||
ଚିନ୍ତାମପରିମେୟାଂ ଚ ପ୍ରଲୟାନ୍ତାମୁପାଶ୍ରିତାଃ |
କାମୋପଭୋଗପରମା ଏତାଵଦିତି ନିଶ୍ଚିତାଃ || 11 ||
ଆଶାପାଶଶତୈର୍ବଦ୍ଧାଃ କାମକ୍ରୋଧପରାୟଣାଃ |
ଈହନ୍ତେ କାମଭୋଗାର୍ଥମନ୍ୟାୟେନାର୍ଥସଂଚୟାନ || 12 ||
ଇଦମଦ୍ୟ ମୟା ଲବ୍ଧମିମଂ ପ୍ରାପ୍ସ୍ୟେ ମନୋରଥମ |
ଇଦମସ୍ତୀଦମପି ମେ ଭଵିଷ୍ୟତି ପୁନର୍ଧନମ || 13 ||
ଅସୌ ମୟା ହତଃ ଶତ୍ରୁର୍ହନିଷ୍ୟେ ଚାପରାନପି |
ଈଶ୍ଵରୋஉହମହଂ ଭୋଗୀ ସିଦ୍ଧୋஉହଂ ବଲଵାନ୍ସୁଖୀ || 14 ||
ଆଢ୍ୟୋஉଭିଜନଵାନସ୍ମି କୋஉନ୍ୟୋସ୍ତି ସଦୃଶୋ ମୟା |
ୟକ୍ଷ୍ୟେ ଦାସ୍ୟାମି ମୋଦିଷ୍ୟ ଇତ୍ୟଜ୍ଞାନଵିମୋହିତାଃ || 15 ||
ଅନେକଚିତ୍ତଵିଭ୍ରାନ୍ତା ମୋହଜାଲସମାଵୃତାଃ |
ପ୍ରସକ୍ତାଃ କାମଭୋଗେଷୁ ପତନ୍ତି ନରକେஉଶୁଚୌ || 16 ||
ଆତ୍ମସଂଭାଵିତାଃ ସ୍ତବ୍ଧା ଧନମାନମଦାନ୍ଵିତାଃ |
ୟଜନ୍ତେ ନାମୟଜ୍ଞୈସ୍ତେ ଦମ୍ଭେନାଵିଧିପୂର୍ଵକମ || 17 ||
ଅହଂକାରଂ ବଲଂ ଦର୍ପଂ କାମଂ କ୍ରୋଧଂ ଚ ସଂଶ୍ରିତାଃ |
ମାମାତ୍ମପରଦେହେଷୁ ପ୍ରଦ୍ଵିଷନ୍ତୋஉଭ୍ୟସୂୟକାଃ || 18 ||
ତାନହଂ ଦ୍ଵିଷତଃ କ୍ରୂରାନ୍ସଂସାରେଷୁ ନରାଧମାନ |
କ୍ଷିପାମ୍ୟଜସ୍ରମଶୁଭାନାସୁରୀଷ୍ଵେଵ ୟୋନିଷୁ || 19 ||
ଆସୁରୀଂ ୟୋନିମାପନ୍ନା ମୂଢା ଜନ୍ମନି ଜନ୍ମନି |
ମାମପ୍ରାପ୍ୟୈଵ କୌନ୍ତେୟ ତତୋ ୟାନ୍ତ୍ୟଧମାଂ ଗତିମ || 20 ||
ତ୍ରିଵିଧଂ ନରକସ୍ୟେଦଂ ଦ୍ଵାରଂ ନାଶନମାତ୍ମନଃ |
କାମଃ କ୍ରୋଧସ୍ତଥା ଲୋଭସ୍ତସ୍ମାଦେତତ୍ତ୍ରୟଂ ତ୍ୟଜେତ || 21 ||
ଏତୈର୍ଵିମୁକ୍ତଃ କୌନ୍ତେୟ ତମୋଦ୍ଵାରୈସ୍ତ୍ରିଭିର୍ନରଃ |
ଆଚରତ୍ୟାତ୍ମନଃ ଶ୍ରେୟସ୍ତତୋ ୟାତି ପରାଂ ଗତିମ || 22 ||
ୟଃ ଶାସ୍ତ୍ରଵିଧିମୁତ୍ସୃଜ୍ୟ ଵର୍ତତେ କାମକାରତଃ |
ନ ସ ସିଦ୍ଧିମଵାପ୍ନୋତି ନ ସୁଖଂ ନ ପରାଂ ଗତିମ || 23 ||
ତସ୍ମାଚ୍ଛାସ୍ତ୍ରଂ ପ୍ରମାଣଂ ତେ କାର୍ୟାକାର୍ୟଵ୍ୟଵସ୍ଥିତୌ |
ଜ୍ଞାତ୍ଵା ଶାସ୍ତ୍ରଵିଧାନୋକ୍ତଂ କର୍ମ କର୍ତୁମିହାର୍ହସି || 24 ||
ଓଂ ତତ୍ସଦିତି ଶ୍ରୀମଦ୍ଭଗଵଦ୍ଗୀତାସୂପନିଷତ୍ସୁ ବ୍ରହ୍ମଵିଦ୍ୟାୟାଂ ୟୋଗଶାସ୍ତ୍ରେ ଶ୍ରୀକୃଷ୍ଣାର୍ଜୁନସଂଵାଦେ
ଦୈଵାସୁରସଂପଦ୍ଵିଭାଗୟୋଗୋ ନାମ ଷୋଡଶୋஉଧ୍ୟାୟଃ ||16 ||