ଶ୍ରୀମଦ ଭଗୱଦ ଗୀତ ଦ୍ଵାଦଶୋஉଧ୍ୟାୟଃ
ଅଥ ଦ୍ଵାଦଶୋஉଧ୍ୟାୟଃ |
ଅର୍ଜୁନ ଉଵାଚ |
ଏଵଂ ସତତୟୁକ୍ତା ୟେ ଭକ୍ତାସ୍ତ୍ଵାଂ ପର୍ୟୁପାସତେ |
ୟେ ଚାପ୍ୟକ୍ଷରମଵ୍ୟକ୍ତଂ ତେଷାଂ କେ ୟୋଗଵିତ୍ତମାଃ || 1 ||
ଶ୍ରୀଭଗଵାନୁଵାଚ |
ମୟ୍ୟାଵେଶ୍ୟ ମନୋ ୟେ ମାଂ ନିତ୍ୟୟୁକ୍ତା ଉପାସତେ |
ଶ୍ରଦ୍ଧୟା ପରୟୋପେତାସ୍ତେ ମେ ୟୁକ୍ତତମା ମତାଃ || 2 ||
ୟେ ତ୍ଵକ୍ଷରମନିର୍ଦେଶ୍ୟମଵ୍ୟକ୍ତଂ ପର୍ୟୁପାସତେ |
ସର୍ଵତ୍ରଗମଚିନ୍ତ୍ୟଂ ଚ କୂଟସ୍ଥମଚଲଂ ଧ୍ରୁଵମ || 3 ||
ସଂନିୟମ୍ୟେନ୍ଦ୍ରିୟଗ୍ରାମଂ ସର୍ଵତ୍ର ସମବୁଦ୍ଧୟଃ |
ତେ ପ୍ରାପ୍ନୁଵନ୍ତି ମାମେଵ ସର୍ଵଭୂତହିତେ ରତାଃ || 4 ||
କ୍ଲେଶୋஉଧିକତରସ୍ତେଷାମଵ୍ୟକ୍ତାସକ୍ତଚେତସାମ |
ଅଵ୍ୟକ୍ତା ହି ଗତିର୍ଦୁଃଖଂ ଦେହଵଦ୍ଭିରଵାପ୍ୟତେ || 5 ||
ୟେ ତୁ ସର୍ଵାଣି କର୍ମାଣି ମୟି ସଂନ୍ୟସ୍ୟ ମତ୍ପରାଃ |
ଅନନ୍ୟେନୈଵ ୟୋଗେନ ମାଂ ଧ୍ୟାୟନ୍ତ ଉପାସତେ || 6 ||
ତେଷାମହଂ ସମୁଦ୍ଧର୍ତା ମୃତ୍ୟୁସଂସାରସାଗରାତ |
ଭଵାମିନ ଚିରାତ୍ପାର୍ଥ ମୟ୍ୟାଵେଶିତଚେତସାମ || 7 ||
ମୟ୍ୟେଵ ମନ ଆଧତ୍ସ୍ଵ ମୟି ବୁଦ୍ଧିଂ ନିଵେଶୟ |
ନିଵସିଷ୍ୟସି ମୟ୍ୟେଵ ଅତ ଊର୍ଧ୍ଵଂ ନ ସଂଶୟଃ || 8 ||
ଅଥ ଚିତ୍ତଂ ସମାଧାତୁଂ ନ ଶକ୍ନୋଷି ମୟି ସ୍ଥିରମ |
ଅଭ୍ୟାସୟୋଗେନ ତତୋ ମାମିଚ୍ଛାପ୍ତୁଂ ଧନଂଜୟ || 9 ||
ଅଭ୍ୟାସେஉପ୍ୟସମର୍ଥୋஉସି ମତ୍କର୍ମପରମୋ ଭଵ |
ମଦର୍ଥମପି କର୍ମାଣି କୁର୍ଵନ୍ସିଦ୍ଧିମଵାପ୍ସ୍ୟସି || 10 ||
ଅଥୈତଦପ୍ୟଶକ୍ତୋஉସି କର୍ତୁଂ ମଦ୍ୟୋଗମାଶ୍ରିତଃ |
ସର୍ଵକର୍ମଫଲତ୍ୟାଗଂ ତତଃ କୁରୁ ୟତାତ୍ମଵାନ || 11 ||
ଶ୍ରେୟୋ ହି ଜ୍ଞାନମଭ୍ୟାସାଜ୍ଜ୍ଞାନାଦ୍ଧ୍ୟାନଂ ଵିଶିଷ୍ୟତେ |
ଧ୍ୟାନାତ୍କର୍ମଫଲତ୍ୟାଗସ୍ତ୍ୟାଗାଚ୍ଛାନ୍ତିରନନ୍ତରମ || 12 ||
ଅଦ୍ଵେଷ୍ଟା ସର୍ଵଭୂତାନାଂ ମୈତ୍ରଃ କରୁଣ ଏଵ ଚ |
ନିର୍ମମୋ ନିରହଂକାରଃ ସମଦୁଃଖସୁଖଃ କ୍ଷମୀ || 13 ||
ସଂତୁଷ୍ଟଃ ସତତଂ ୟୋଗୀ ୟତାତ୍ମା ଦୃଢନିଶ୍ଚୟଃ |
ମୟ୍ୟର୍ପିତମନୋବୁଦ୍ଧିର୍ୟୋ ମଦ୍ଭକ୍ତଃ ସ ମେ ପ୍ରିୟଃ || 14 ||
ୟସ୍ମାନ୍ନୋଦ୍ଵିଜତେ ଲୋକୋ ଲୋକାନ୍ନୋଦ୍ଵିଜତେ ଚ ୟଃ |
ହର୍ଷାମର୍ଷଭୟୋଦ୍ଵେଗୈର୍ମୁକ୍ତୋ ୟଃ ସ ଚ ମେ ପ୍ରିୟଃ || 15 ||
ଅନପେକ୍ଷଃ ଶୁଚିର୍ଦକ୍ଷ ଉଦାସୀନୋ ଗତଵ୍ୟଥଃ |
ସର୍ଵାରମ୍ଭପରିତ୍ୟାଗୀ ୟୋ ମଦ୍ଭକ୍ତଃ ସ ମେ ପ୍ରିୟଃ || 16 ||
ୟୋ ନ ହୃଷ୍ୟତି ନ ଦ୍ଵେଷ୍ଟି ନ ଶୋଚତି ନ କାଙ୍କ୍ଷତି |
ଶୁଭାଶୁଭପରିତ୍ୟାଗୀ ଭକ୍ତିମାନ୍ୟଃ ସ ମେ ପ୍ରିୟଃ || 17 ||
ସମଃ ଶତ୍ରୌ ଚ ମିତ୍ରେ ଚ ତଥା ମାନାପମାନୟୋଃ |
ଶୀତୋଷ୍ଣସୁଖଦୁଃଖେଷୁ ସମଃ ସଙ୍ଗଵିଵର୍ଜିତଃ || 18 ||
ତୁଲ୍ୟନିନ୍ଦାସ୍ତୁତିର୍ମୌନୀ ସଂତୁଷ୍ଟୋ ୟେନ କେନଚିତ |
ଅନିକେତଃ ସ୍ଥିରମତିର୍ଭକ୍ତିମାନ୍ମେ ପ୍ରିୟୋ ନରଃ || 19 ||
ୟେ ତୁ ଧର୍ମ୍ୟାମୃତମିଦଂ ୟଥୋକ୍ତଂ ପର୍ୟୁପାସତେ |
ଶ୍ରଦ୍ଦଧାନା ମତ୍ପରମା ଭକ୍ତାସ୍ତେஉତୀଵ ମେ ପ୍ରିୟାଃ || 20 ||
ଓଂ ତତ୍ସଦିତି ଶ୍ରୀମଦ୍ଭଗଵଦ୍ଗୀତାସୂପନିଷତ୍ସୁ ବ୍ରହ୍ମଵିଦ୍ୟାୟାଂ ୟୋଗଶାସ୍ତ୍ରେ ଶ୍ରୀକୃଷ୍ଣାର୍ଜୁନସଂଵାଦେ
ଭକ୍ତିୟୋଗୋ ନାମ ଦ୍ଵାଦଶୋஉଧ୍ୟାୟଃ ||12 ||