കൃഷ്ണാഷ്ടകമ്
വസുദേവ സുതം ദേവം കംസ ചാണൂര മര്ദനമ് |
ദേവകീ പരമാനന്ദം കൃഷ്ണം വന്ദേ ജഗദ്ഗുരുമ് ||
അതസീ പുഷ്പ സങ്കാശം ഹാര നൂപുര ശോഭിതമ് |
രത്ന കങ്കണ കേയൂരം കൃഷ്ണം വന്ദേ ജഗദ്ഗുരുമ് ||
കുടിലാലക സംയുക്തം പൂര്ണചംദ്ര നിഭാനനമ് |
വിലസത് കുംഡലധരം കൃഷ്ണം വന്ദേ ജഗദ്ഗുരമ് ||
മംദാര ഗംധ സംയുക്തം ചാരുഹാസം ചതുര്ഭുജമ് |
ബര്ഹി പിംഛാവ ചൂഡാങ്ഗം കൃഷ്ണം വന്ദേ ജഗദ്ഗുരുമ് ||
ഉത്ഫുല്ല പദ്മപത്രാക്ഷം നീല ജീമൂത സന്നിഭമ് |
യാദവാനാം ശിരോരത്നം കൃഷ്ണം വന്ദേ ജഗദ്ഗുരുമ് ||
രുക്മിണീ കേളി സംയുക്തം പീതാംബര സുശോഭിതമ് |
അവാപ്ത തുലസീ ഗംധം കൃഷ്ണം വന്ദേ ജഗദ്ഗുരുമ് ||
ഗോപികാനാം കുചദ്വംദ കുംകുമാങ്കിത വക്ഷസമ് |
ശ്രീനികേതം മഹേഷ്വാസം കൃഷ്ണം വന്ദേ ജഗദ്ഗുരുമ് ||
ശ്രീവത്സാങ്കം മഹോരസ്കം വനമാലാ വിരാജിതമ് |
ശങ്ഖചക്ര ധരം ദേവം കൃഷ്ണം വന്ദേ ജഗദ്ഗുരുമ് ||
കൃഷ്ണാഷ്ടക മിദം പുണ്യം പ്രാതരുത്ഥായ യഃ പഠേത് |
കോടിജന്മ കൃതം പാപം സ്മരണേന വിനശ്യതി ||