ગુરુ પાદુકા સ્તોત્રમ
અનન્તસંસાર સમુદ્રતાર નૌકાયિતાભ્યાં ગુરુભક્તિદાભ્યામ |
વૈરાગ્યસામ્રાજ્યદપૂજનાભ્યાં નમો નમઃ શ્રીગુરુપાદુકાભ્યામ || 1 ||
કવિત્વવારાશિનિશાકરાભ્યાં દૌર્ભાગ્યદાવાં બુદમાલિકાભ્યામ |
દૂરિકૃતાનમ્ર વિપત્તતિભ્યાં નમો નમઃ શ્રીગુરુપાદુકાભ્યામ || 2 ||
નતા યયોઃ શ્રીપતિતાં સમીયુઃ કદાચિદપ્યાશુ દરિદ્રવર્યાઃ |
મૂકાશ્ર્ચ વાચસ્પતિતાં હિ તાભ્યાં નમો નમઃ શ્રીગુરુપાદુકાભ્યામ || 3 ||
નાલીકનીકાશ પદાહૃતાભ્યાં નાનાવિમોહાદિ નિવારિકાભ્યામ |
નમજ્જનાભીષ્ટતતિપ્રદાભ્યાં નમો નમઃ શ્રીગુરુપાદુકાભ્યામ || 4 ||
નૃપાલિ મૌલિવ્રજરત્નકાન્તિ સરિદ્વિરાજત ઝષકન્યકાભ્યામ |
નૃપત્વદાભ્યાં નતલોકપઙ્કતે: નમો નમઃ શ્રીગુરુપાદુકાભ્યામ || 5 ||
પાપાન્ધકારાર્ક પરમ્પરાભ્યાં તાપત્રયાહીન્દ્ર ખગેશ્ર્વરાભ્યામ |
જાડ્યાબ્ધિ સંશોષણ વાડવાભ્યાં નમો નમઃ શ્રીગુરુપાદુકાભ્યામ || 6 ||
શમાદિષટ્ક પ્રદવૈભવાભ્યાં સમાધિદાન વ્રતદીક્ષિતાભ્યામ |
રમાધવાન્ધ્રિસ્થિરભક્તિદાભ્યાં નમો નમઃ શ્રીગુરુપાદુકાભ્યામ || 7 ||
સ્વાર્ચાપરાણામ અખિલેષ્ટદાભ્યાં સ્વાહાસહાયાક્ષધુરન્ધરાભ્યામ |
સ્વાન્તાચ્છભાવપ્રદપૂજનાભ્યાં નમો નમઃ શ્રીગુરુપાદુકાભ્યામ || 8 ||
કામાદિસર્પ વ્રજગારુડાભ્યાં વિવેકવૈરાગ્ય નિધિપ્રદાભ્યામ |
બોધપ્રદાભ્યાં દૃતમોક્ષદાભ્યાં નમો નમઃ શ્રીગુરુપાદુકાભ્યામ || 9 ||