শিব মানস পূজ
রত্নৈঃ কল্পিতমাসনং হিমজলৈঃ স্নানং চ দিব্য়াম্বরং
নানারত্ন বিভূষিতং মৃগমদা মোদাঙ্কিতং চন্দনম |
জাতী চংপক বিল্বপত্র রচিতং পুষ্পং চ ধূপং তথা
দীপং দেব দয়ানিধে পশুপতে হৃত্কল্পিতং গৃহ্য়তাম || 1 ||
সৌবর্ণে নবরত্নখণ্ড রচিতে পাত্রে ঘৃতং পায়সং
ভক্ষ্য়ং পঞ্চবিধং পয়োদধিয়ুতং রম্ভাফলং পানকম |
শাকানাময়ুতং জলং রুচিকরং কর্পূর খংডোজ্জ্চলং
তাম্বূলং মনসা ময়া বিরচিতং ভক্ত্য়া প্রভো স্বীকুরু || 2 ||
ছত্রং চামরয়োর্য়ুগং ব্য়জনকং চাদর্শকং নির্মলং
বীণা ভেরি মৃদঙ্গ কাহলকলা গীতং চ নৃত্য়ং তথা |
সাষ্টাঙ্গং প্রণতিঃ স্তুতি-র্বহুবিধা-হ্য়েতত-সমস্তং ময়া
সঙ্কল্পেন সমর্পিতং তব বিভো পূজাং গৃহাণ প্রভো || 3 ||
আত্মা ত্বং গিরিজা মতিঃ সহচরাঃ প্রাণাঃ শরীরং গৃহং
পূজা তে বিষয়োপভোগ-রচনা নিদ্রা সমাধিস্থিতিঃ |
সঞ্চারঃ পদয়োঃ প্রদক্ষিণবিধিঃ স্তোত্রাণি সর্বা গিরো
য়দ্য়ত্কর্ম করোমি তত্তদখিলং শংভো তবারাধনম || 4 ||
কর চরণ কৃতং বাক্কায়জং কর্মজং বা
শ্রবণ নয়নজং বা মানসং বাপরাধম |
বিহিতমবিহিতং বা সর্বমেতত-ক্ষমস্ব
জয় জয় করুণাব্ধে শ্রী মহাদেব শংভো || 5 ||